27 January, 2013

Mr Shinde and his Statement



Hamesha peaceful halat me rehne wala Pink City  in last few days kafi surkhion me raha , wajah thi Congress ka Chintan Shivir and in that Shivir, home minister Shushil Kumar Shinde ka bayan jisne India ki sab se badi aksariyat ko protest karne par majboor kar diya. ajib lag raha he k jinki tadaad India me sab se zyada he, jo India k taqreeban har region me aksariyat me hain, jo wazarat k har ohde par fayez hain, jo har riyasat ki CM ki kursi sambhale hue hain, aur jinke pas har tarah ki power he aj wohi apne daman ko be dag sabit karne ki koshish kar ne me lage hue hian.

What behind his statement?


     Janab Shinde ka bayan k- bahut sare bomb blaston me Bhagwa Dahshatgardi ka hath he aur yeh k un ke under campon  me terrorists ki training di jati he- se who kya sabit karna chahte hian. (1) Kya yeh ek kadwi haqiqat ka aetraf he? Q k really fasadat to hue hain aur bomb bhi blast hue hain aur importantly musalmano  ko hi target kiya   gaya he aur maze ki baat yeh he k jo mazloom they wohi mulzim bhi hue aur mujrim bhi qarar paye unhen giraftari mili aur jail bhi gaye magar baad me police walon ko sharamsar karte hue aur police k kam karne k tariqe par khilli udate hue who riha bhi hue (yeh alag baat h k tab tak unka career tabah ho chukka tha) ya fir (2) BJP ko mazeed kamzor karne ki sazish he q k next year or possibly this year Lok Sabha election hone wale hain aur zahir h k har party dusri party ko tamam corruption ks zummedar manti, to shayad Congress ka yeh harba he k is tarah se bhagwa party ko mazeed kamzor kiya jaye q k agar really Shinde ji k pas pukhta suboot hain to unhon ne abhi hi q yah baat batayi he. Pehle se batate ta k jo be gunaah log pakd ja chuke hain who na pakde jate. 

Terrorism has no religion  


Mai gaur karta hun k BJP ko hi q nishana banaya gaya? Kya is liye k RSS se iska contact he (balke RSS hi isko handle karta he), ya isliye k who dusri sab se badi political party he aur Congress ko election me kadi takkar dene ki himmat rakhti he? Ya phir isliye k woh really mujrim he. Yeh faisla to public ko hi karna he k qusoorwar koun h aur rozana news paper padhne walo aur news channels dekhne walo ko mazeed kisi evidence ki zaroorat nahi he k is matter me koun qusoorwar he, kou nahi he aur kiska ek-2 pair dono taraf he. Mera sawal yeh h k Dahshatgardi ya koi bhi i jurm kya kisi religion k sath khas he? Aur hamare mulk me har fasad, jurm, aur blast ko hamesha relogioin, tribe, language, aur colour se q jod diya jata he? Agar BJP aur RSS dahshat gardi me mulawwis he to kya pura Hindu mazhab hi dahshat gard he? Nahi, hargiz nahi, Hindu mazhab ki kisi bhi kitab me is tarah ki taleem nahi h jis se dahshat gardi ko badhawa milta ho, aur kisi bhi mazhabi kitab me aisa nahi mil sakta, to phir dahshatgardi aur Hindu mat ko ek sath q jod diya gaya? Aur Hindu mat kya, kisi bhi mazhab, rang, nasal, firqa, jamaat, zuban, ilaqa ko kisi bhi jurm se nahi joda ja sakta, han yeh zaroor h k mujrim kisi na kisi mazhab ka manne wala hoga magar is se yeh sabit nahi hota k mazhab hi iski taleem deta he. Hamari yahi badi kamzori h k ham fouran kisi bhi hadse ko mazhab ya qabile ka rang de dete hain jis se hamari unity khatam hoti he, aur hamari mulki kamzori bhi zahir hoti he.

We want 


Ham lucky hain k hamara mulk world’s largest democracy he jis me har rang, nasal, mazhab, zuban, ilaqe aur qabile se taalluq rakhne wale log rahte hin jo hamar unity aur ittihad ki pehchan he aur yahi hamari sab se badi taqat he. And Indian unity demands the punishment for guilty, for terrorist, for killires, for rapist etc chahe who kisi bhi mazhab, rang, nasal, qabile aur ilaqe se taalluq rakhte houn, yeh mat kaho k falan mazhab wale ne jurm kiya ball ke yeh kaho k falan ne jurm kiya, usko pakdo aur saza do. Aur agar ap ke pakka par suboot he k RSS aur BJP training camp chalati he to un k wahan se chale jane aur sab kuch khali kar dene se pehle hi chhapa maroa ur karrawai karo warnah faltu ki bayan bazi mat karo, aur han yeh mat sochna k ab kisi tarah ki bayan bazi se Muslim himayat mil jayegi ya tum Congress ko Muslim dost sabit kar doge aur upcoming election me vote hasil kar loge q k ab who zamana gaya jab logon ko jab log har tarah se bewaqoof ban jate they aur religion k naam siyasat bahut asan ho jati thi. ab ham educated hain aur Indian youngsters ab kisi bhi tarah ki bewaqoofi ko accept nahi karegi.
.   

FAISAL ANAS


Post a Comment